Transcription
1
Monseigneur, ce jourdhuy est arrivé monsieur de Sanssac, envoyé de la part de monsieur
2
de Maugiron, lequel est en Avignon indisposé depuis le XVe de ce mois, vers monseigneur
3
le marechal qui est aussy arrivé ce jourdhuy, retournant de veoir les fortz des environs
4
de Florensac. Ledit sieur de Sanssac m’a dict de bouche que mondit sieur de Maugiron ne
5
vouloit rien negocier, sinon ainsy que le trouveroit bon mondit seigneur le marechal. Je
6
presuppose que ledit sieur de Maugiron a quelques instructions, oultres celles qu’a apportées
7
monsieur le duc d’Uzès, lequel pourra servir sy nous entrons en conférence, de laquelle nous ne
8
sommes asseurez de la part des sieurs vicontes et de Serignac ; car, quant à monsieur de St
9
Romain, il semble qu’il y ait bonne volonté, comme jay veu par les lettres qu’il escrit à
10
mondit seigneur le marechal. Le château de Montferrand est tousiours tenu par celuy qui la
11surprins, lequel ne veult obeir aux lettres dudit sieur de St-Romain, ny à celles du [barré : dit ] sieur de
12
Bremieu qui luy avoient escrit de rendre la place, laquelle il dict vouloir tenir soubz
13
leur obeissance, mais non la rendre. Cependant, je voy qu’on ne laisse de vexer
14
le povre laboureur de leurs contributions et destrousser les marchans allans
15
à leur trafficq ou retournans. Toutesfois, monsieur de St Romain escrit à monseigneur le
16marechal quil feroit cesser de son costé, lequel n’a [barré est] encores sorty effect. Hier, on destroussa
17
une douzaine de mulletz de Montpellier retournans du bois. On aura dans brief tant
18
prins quil ne restera rien plus à prendre. Je vous laisser penser en quelque
19
calamité nous allons tomber, cessant dun costé le labouraige et le trafficq de lautre.
20
Il vous plaira faire tenir mon pacquet que jaddresse à Grenoble et me continuer en
21
votre bonne grace, à laquelle, me recommandant bien humblement, je supplieray le Createur
22
vous donner,
23
monseigneur, en parfaicte santé, longue et heureuse vie. De Montpellier, ce XVIIIe jour
24
de fevrier 1574.
25
Vostre à jamais plus humble, fidelle et affectionné
26
serviteur Truchon.